It's a trap!

Ekki barnaland en.....


If at first you don't succeed...

Lifewave undrið!

Hvað gerir þetta undur ekki? Vonum bara að það auki líka greindarvísitöluna hjá bjánunum sem kaupa þetta þannig að þeir láti ekki plata sig svona illa aftur.

Hártoppur til sölu!

Hér sjáum við glæsilegan hártopp til sölu - hann er m.a.s. úr ekta hári. Afi gamli er einmitt búinn að vera leita að einum slíkum, hann mun eflaust taka sig vel út með toppinn.

Atkvæði til sölu

Hér sjáum við lýðræðið að verki.

Sópaborð!

Já þú last rétt, sópaborð er nýjasta gerðin af sófaborðum. Nafngiftin helgast af því hversu auðvelt er að sópa undan því enda engar hillur eða vesen að þvælast fyrir. Núna er loksins gaman að þrífa!

Rope Yoga stöð

Frábært að það fylgi bæklingur og kennslumyndband! Ég veit nebblega ekkert um Rope Yoga en hefur lengi langað alveg rosalega að reka eina svona Rope Yoga stöð.

Hár til sölu

Sussss...bara ekki spyrja hvaðan það kom.

How about some Voodoo?

Lumar þú ennþá á gömlum geisladiskum þrátt fyrir i-pod væðinguna? Þá er þessi Voodoo geisladiskastandur fyrir þig. Hann er bæði í senn mikið húsprýði og stofustáss auk þess sem fjórir ógnvekjandi stríðsmenn vakta diskana þína á meðan þú sefur. Þú getur því hætt að hafa áhyggjur, því þeir Laos, Mignon, Keb og Fuji munu vakta gömlu Now og Reif diskana þína sem sjáaldur augna sinna (Nota Bene, upptalning á stríðsmönnunum er frá fremsta manni - þetta getur því orðið ruglingslegt því standurinn er á snúningsdiski ).

Þessi ljóta norn er til sölu

Hressandi að sjá bregða fyrir heiðarleika í auglýsingu!

María Mey vs. Bjössi bytta

Þetta haganlega tréverk býðst fyrir rétta verðið. Fallegur antikskápur með margþætt notagildi. Ef þú ert kaþólikki er skápurinn tilvalinn undir Maríu Mey líkneski en ef þú ert týpískur íslendingur má nota þetta til að geyma vínflöskur (sjá auglýsingu). Skápurinn er gæddur þeim kosti að í honum er ljós sem kemur sér eflaust vel og fólk þarf því ekki að örvænta yfir því að finna ekki bokkuna þegar skammdegið skellur á aftur. Ljósið gerir það einnig að verkum að þetta er frábær felustaður fyrir börnin og enginn þarf að vera myrkfælin í skápnum. Allir í feluleik!

Klassík af barnalandi

Þökkum ábendinguna!

Trúgjarnar fitubollur athugið!

Að lifa einungis á töflum í 10 daga er klárlega frábær hugmynd. Það eykur svo sannarlega á trúverðuleika auglýsingarinnar að hægt sé að missa upp undir 1.5 kg af fitu á DAG.

Það er ekki hægt neita því að 19.900 kr. er gjafverð fyrir það að fá ekki að borða neitt í 10 daga. Augljóslega nokkuð sem ekki væri hægt að gera upp á sitt einsdæmi. Ætli maður þurfi að borga aukalega ef maður missir meðvitund af hungri og vannæringu?

Þessar aðlaðandi og klassí umbúðir setja punktinn yfir i-ið. Þetta er vara sem ekki er hægt að standast. Að minnsta kosti "heldur hún þér lifandi í 10 daga". Hver veit hvað gerist eftir það.

Garður - 2007 style

Einn af kostunum við Barnaland er að þar geturðu komið  fermingargjöfunum sem þú fékkst fyrir 20 árum í verð. Fyrir aðeins fimm þúsund krónur getur þú eignast þennan fagra græjuskáp sem allir unglingar með vott af sjálfsvirðingu áttu á níunda áratugnum.

Orðabók þessi hefur vafalaust fleytt mörgum ættliðum ljósmyndasnillingsins sem átti hana á æðri brautir í lífinu. Í danska háskóla....nú eða bara beint á sósjalinn á Jótlandi. Augljóslega hafði bókin þó þjónað eiganda sínum nógu vel og lengi því hún var boðin upp á Er. Mátti hún þó þola samanburð við aðra ekki ófrægari bók í söluræðunni sem fylgdi. Jú meðmælin voru þau að hún væri þykkari en sjálf Biblían!

Eru þetta vöðlur gjaldþrota bankastjóra? Eru þetta kvart aldar gamlar sviðsbuxur rokkararans Meatloaf?  Nei, íslensk seleb eru mætt á markaðssvæði Barnalands til að selja notaðar nærbrækur og leggings af botni fataskápsins. Þú heldur kannski að Ásdís Rán hafi átt þessar? Nei það er Sigríður Klingenberger sem vill selja þér þessa dýrð. 

Útbíaður höggstokkur? Dömubindi með vængjum? Nei. Þetta er svokallaður heilsukoddi sem þarna liggur bjargarlaus á gólfi hjólageymslu hér í bæ.  Að sjálfsögðu var þessi gegnsveitti gripur til sölu á Barnalandi rétt eins og flest annað sem úr sér er gengið. 

Þessi haganlega útsaumaða mynd af erótískt þenkjandi allsnöktu pari sem baðar sig í notalegri appelsínugulri birtu frá seventies lampa var falboðin á ER fyrir ekki svo löngu. Hvort þarna var hinn útsaumsglaði fyrrum bankastjóri Bjarni Ármannson að reyna að kría upp í skuldir skal ósagt látið. Reyndar hlýtur að teljast ólíklegt að nokkuð af útrásarvíkingunum hefði efni á dýrðinni því tilboði upp á tíu þúsund krónur var hafnað á þeim forsendum að innrömmunin ein kostaði 30 þúsund!

Mynd - síðasta kvöldmáltíðin.

Hvar er jesú?

Ég er lygin og löt. Gefið mér pening!

Hvað næst. Talið við látna ættingja í gegnum MSN? Haugur af ónýttum viðskiptatækifærum fyrir lata lygara! Auðvelt að stela frá einfeldingum!

Gefið mér pening!

Besti díllinn í bænum! Ég fæ ókunnuga manninn út í bæ til að koma heim til mín og gef honum pening fyrir. Styrkið hinn íslenska aumingja í dag!

Helgarpabba svefnsófi

Sérdeilis fallegur sófi sem myndi sóma sér vel á biðstofu húð- og kyn eða minimalístískum piparsveinaíbúðum.




Ef viðkomandi fílar ekki hrátt retro áklæðið má jafnvel "hylja" sófann með þessu fallega eggjabakka teppi sem fylgir því miður ekki með.

PS. Sýna þarf fram á 6 mánaða samfellda meðlagsgreiðslu við kaup

Rúm frá viktoríutímabilinu

Rafmagnssígarettur til sölu

Mig einfaldlega skortir orð.

Málverk

100.000 kjell og málið er dautt!

Töff barnabikiní

Rilí?